點揀陪葬品
土葬同火葬嘅陪葬品係有唔同嘅，因為有啲嘢係唔可以落去個火葬爐燒嘅；例如係一啲電器物品，例如收音機仔呀；因為收音機仔裡面有啲電子零件，如果經過高溫爐時會粘著啲骨。
土葬就唔能夠比啲棉質太過重嘅衣服來陪葬啦，我哋俗稱係會噏住個遺體，因為喺個化嘅過程裡面會粘骨嘅。
咁其實火葬同土葬都已經有一啲個別唔同嘅陪葬品啦。
係咪話先人用過嘅嘢都要放落去副棺木度？
第二就係話唔係一定先人用過嘅嘢都要放落去副棺木度，因為最主要就係話我哋會比先人一啲叫做話首飾，譬如話一啲頸鍊呀戒指呀，叫做話比佢富貴啲，咁即係話令佢走得好睇啲；譬如話啲親友到嚟見到嘅時候最起碼嘅一面就係比度光鮮嘅一面比人睇；至於啲碗碗碟碟筷子呀，基本上其實就係話唔係太需要；同埋如果你話擺得太多嘢落去，變咗喺個譬如話以火葬為例呢，太多雜質呀，變咗，咁你燒咗出嚟嘅時候呢太多雜質混合咗落去，咁其實都唔係太好。
聽講話喺個遺體度呢，係需要喺個口入面呢，係需要放一啲好似唔知大餅呀，銀仔呀比佢含住，咁其實係咪真係有呢個說法，或係還是佢咁樣做有啲乜嘢用處嘅呢？
其實呢個係傳統嚟嘅，咁就叫做「掟口錢」；咁以前呢就會用一塊好似大概一毫子咁大嘅真銀，咁就要嚟比佢放喺個口度，咁就叫做「掟口錢」；意思就係話，其實有好多說法嘅，有啲就係話叫做留番啲，即係話含住啲錢呀，即係話留番啲後呀；有啲呢就係話比佢含住呢，等佢過關嘅時候呢就唔會同啲牛頭馬面亂咁講嘢。現今都算係最基本嘅動作。喺現在進化嘅時候話喺買壽衣嘅時候，喺壽衣裡面會有包叫做「金銀珠」，代替咗呢個叫做大餅咁囉。咁喺火化嘅過程中當然係化埋啦。
咁一啲物件無放埋一齊去陪葬，是否有適合嘅地方放又或者係咪丟咗佢算數呢？
如果有剩嘅，譬如先人生前嘅物品，譬如話你就唔留啦，咁衣服嗰啲呢，其實任何物品都好啦，都會話捐咗佢囉；捐咗佢啦第一就係話做咗善事；咁其實你丟佢就好浪費嘅；如果捐咗出去比啲有用嘅人用呢，即係叫做話第三者佢又唔知道，佢又話用得著，其實就對自己對先人都叫做話積番啲福；咁我哋都會叫佢哋捐咗出去囉。
其實捐唔捐，因為話啲物品，其實就係話留得低嘅就係紀念先人啦，叫做話懷念；日後攞番出嚟比你嘅仔女問番譬如話你啊爺啊嫲用過呢啲物品；咁你唔用嘅嘢就捐咗出去，一係就丟咗佢；咁當你話放咗喺屋企嘅時候有乜嘢郁過呀，其實話都唔需要話好尬懷；可能突然間有時啲嘢係唔見咗嘅。
(18-9-2008)
***************************************************************************************************
贊助連結
服務他人乃生命奧祕中最有價值的行為。
