淺談道家法事流程
做廣東法事，一開頭通常就會響鑼鼓，大鑼大喳，咁樣通知啲天界我哋有嘢做啦，之後我哋幾個喃嘸師傅就會著紅色袍，紅色嘅道袍就會去請神；請各位大神光臨到座之後，之後我哋就會上去去到話比先人知：我哋會做啲乜嘢呀，邊個人來到做嘢呀；我哋仲要稟報比啲大神聽：我哋做啲乜嘢啦，我哋會為先人做乜嘢呀；我哋會話比先人聽有邊啲後人會做邊啲功德，請咗啲乜嘢大神做功德；咁樣為之第一部份。
為何穿紅色道袍？
其實做喪事好少用紅色嘅道袍，除非好似話做『英雄』做好事嘅時候至會用紅色嘅道袍；紅色嘅意思即喺『好事』；請大神我哋唔會用其他顏色嘅，我哋喺表示尊敬，表示隆重。
是否每次都是請相同啲大神？
我哋每次都會請某一部份嘅神，並不是幾個。我哋道家做法事，主要喺請『三清』〈玉清、上清、太清〉，請呢『三清』喺最主要啦；我哋仲會請比如喺一啲『接引天尊』，接先人過嚟啦，『法橋天尊』啦，『冥府十殿池皇』；其實喺請一啲主要有關於做白事嘅神，加持我哋嘅法力去幫助先人。
是否肯定所請啲大神光臨到座？
我哋請得啲大神佢哋一定會到，唔需要話求神問卜，但喺要講清楚乜嘢大神。
第二部份：頌經
頌經我哋喺比番我哋啲喃嘸師傅，因為我哋要淨身，因為我哋始終唔喺主力修為自己，我哋其實喺俗家子弟，我哋要頌一編經，去同自己淨身，淨咗身啦，等自己心無雜念啦，之後就會第三部份，同先人做『破地獄』；因為我哋未做嘢之前可能唔知去過邊，唔知做過啲乜嘢，可能話食過肉呀，我哋行內就冇話一定要持素（吃素），但喺我哋做嘢之前就一定不吃牛肉，因為我哋喺同地府啲牛頭馬面打交道，如果我哋食牛肉咪即喺食咗佢哋啦，都食咗佢哋囉，即喺冇說話好講；我哋要尊重番佢哋，所以做事之前一定不食牛肉。
講到破地獄
之前講過破地獄有9片瓦片，逐片逐片去打破，過程又要點火又要盛，喺咪次次都咁隆重嘅呢？
其實本身我哋破地獄呢，我哋都會做足番我哋要做嘅嘢；譬如話我哋有火劍啦，我哋每破一片瓦片，每一個方向嘅時候呢，我哋都會希望嘅就喺能夠完全可以破滅倒佢，我哋就會用火劍去破；就不是單一把劍去破，如果真喺某一個方向真喺假如啲瓦片打不破爛，我哋認為嗰一方面就中咗啦；其實以我自己嘅經驗，第一次真喺打唔爛嘅時候，我哋心裡面會唸條經，之後就再全力咁去破佢，我哋心無雜念，全心全意去幫先人，全心全意去破嗰個地獄。
〈22-5-2008〉
*******************************************************************************************************************************************
贊助連結
服務他人乃生命奧祕中最有價值的行為。
