香港的殯儀服務

解穢酒與英雄飯（英雄宴）是不可能一齊做的 

如果先人仍然有守靈

繼續打齋

而未去脫服

譬如所講嘅頭七 五七 三七

之後食嗰餐就叫做『解穢酒』

上咗山頭福地

安葬好先人

或者 先人入爐後

食嗰餐就叫做『英雄飯』

今天叫『英雄』

以前叫『應紅』

回應個應 紅色個紅

實質叫『應紅飯』

流傳廣東人取其諧音『英雄』

因為『應紅』較難發音

演變至今叫做『英雄飯』

食『解穢酒』通常7個餸

食『英雄飯』食雙數嘅餸

加上食「糖水」先

取其大家行過山頭

行過一些不吉利的地方

食「糖水」先

等大家甜一甜

不要講一些不吉利的說話

其實廣東人（中國人）結婚嫁娶 滿月

都會用擺酒呢個形式

只不過話做殯儀白事形式裡面

用呢個方式去答謝啲親友來到

好有心來到送先人一程

所以到最後都有一餐飯給他們享用

現今的殯儀普遍上已經現代化

好多時不會好似以前一樣

譬如守足孝或者做足7個七

現今的做法

夜晚守完靈

翌日出殯

做完事之後就做「英雄」

就不會再去做其他法事

叫做話今晚守完夜

明天出完殯

之後就除服

除服之後就去酒家食飯

所以『英雄飯』就會普遍好多

反之『解穢酒』就少出現

(20080731)

*******************************************************************************************************************************************